Ndryshe nga çfarë deklaron qeveria, se të dhënat e shqiptarëve janë të sigurta, hakerat po tregojnë që kanë marrë një pjesë të mirë të të dhënave.
Rreth një javë pasi sulmuan sistemin TIMS, i cili përmban të dhëna të rëndësishme për hyrje/daljet nga vendi, hakerat kanë publikuar të dhënat personale të ish-drejtorit të Policisë së Shtetit, Gledis Nano.
Hakerat e njohur si “Homeland Justice” kanë publikuar të dhëna të rëndësishme personale, familjes dhe hyrje-daljet e Nanos ndër vite. Të dhënat e daljes së Nanos tregojnë edhe daljen e tij të parë jashtë vendit që daton në vitin 2005, deri tek ato të muajve të fundit.
