Një program i Studimi i Përbashkët Shqipëri-Itali në “Bachelor në Inxhinieri Pyjore”do të ofrojë mundësi studimi me dy profile diplomimi, në:
– Menaxhimi i Zonave të Mbrojtura
– Qeverisja e Parqeve Urbane dhe peri-urbane
Ky program studimi ofrohet si program i përbashkët i Departamentit të Pyjeve të Fakultetit të Shkencave Pyjore (FSHP) dhe Departamentit të Shkencave Pyjore dhe Agrare (DAFNE) të Universitetit të Tuscia (UNITUS) në Itali, me kohëzgjatje 3-vjecare dhe 180 pikë krediti (ECTS).
Studentët e programit të përbashkët gjatë studimeve duhet të realizojnë në universitetin partner të paktën një semestër studimesh dhe të fitojnë të paktën 30 pike krediti (ECTS). Mësimdhënia në Universitetin Italian do të zhvillohet ne gjuhën angleze dhe për këtë është i nevojshëm Niveli B2 i njohjes së gjuhës Angleze.
Studentët e këtij programi do të jenë të regjistruar njëkohësisht në të dy universitet UBT dhe UNITUS/Itali dhe në përfundim të studimeve do të marrin dy diploma, një diplomë nga Universiteti Bujqësor i Tiranës/Fakulteti i Shkencave Pyjore dhe një diplomë nga Universiteti i Tuscia-s.
Ky program i përbashkët studimi ka për mision të ofrojë përgatitjen e specialistëve të lartë për qeverisjen e qëndrueshme të ekosistemeve pyjore me status të mbrojtur si dhe të parqeve urbane e periurbane. Të diplomuarit në profilin “Menaxhimi i Zonave të Mbrojtura” do të jenë në gjendje të menaxhojnë sistemet pyjore në mënyrë të qëndrueshme me qëllim ruajtjen e kapitalit natyror dhe mbrojtjen e biodiversitetit, veçanërisht në zonat natyrore me status të mbrojtur.
Kurrikula e profilit trajton temën e planifikimit dhe të diplomuarit në profilin “Qeverisja e Parqeve Urbane dhe Periurbane” do të jenë në gjendje të projektojnë infrastruktura të gjelbra dhe sisteme të gjelbra, duke përfshirë parqet urbane, të cilat mund të luajnë një rol të rëndësishëm në kontrollin e mikroklimës, rregullimin e rrjedhave ujore, ruajtjen e biodiversitetit, si funksione rekreative në mjediset urbane.
Mundësitë e Punësimit.
Të diplomuarit në këtë program studimi mund të punësohen:
– Agjencia Kombëtare e Zonave të Mbrojtura dhe AdZM në rrethe
– Administratat e pyjeve dhe sipërfaqeve të gjelbra në 61 bashkitë e vendit
– Agjencia Kombëtare e Pyjeve dhe strukturat e saj në 4 Rajonet Kombëtare
– Agjenci dhe qendra te zhvillimit rural (AZHBR)
– Organizata joqeveritare dhe shoqata te ndryshme te cilat kane ne fokusin e tyre probleme
te pyjeve, mjedisit etj.
– Profesion i lirë në fushën e punimeve dhe projektimeve të sipërfaqeve të gjelbra dhe parqet urbane
Tregu i Punës
Me dy profilet e diplomimit shtohen mundësitë e punësimit në rrjetin kombëtar dhe lokal të ZM duke patur parasysh dhe detyrimet për zgjerimin e këtij rrjeti në rreth 30% të sipërfaqes së vendit. Profilizimi në menaxhimin e ZM i bën më të qëndrueshme mundësitë e punësimit.
Shtohen mundësitë e punësimit pranë strukturave bashkiake të sipërfaqeve të gjelbra, rekreative, parqeve urbane e periurbane në nivelin lokal që deri tani nuk kishin specialistë të përgatitur mirëfilli për këtë fushë.
Pajisja me 2 diploma, një nga të cilat nga një IAL e BE-së, i jep mundësinë të diplomuarve në këtë program studimi të punësohen në vendet e Bashkimit Europian, pa patur nevojë për njohjen e diplomës.
