Dasma, si dita më e rëndësishme e jetës për shumë njerëz, është bërë pjesë e kulturës që të jetë sa më e bujshme, luksoze e madhështore.
E teksa sezonit të dasmave për këtë verë po i vjen fundi, një video nga Fieri po bënë xhiro në rrjet.
Ndonëse është bërë traditë që nusja të merret me makinë nga shtëpia e babait, për t’u dërguar tek shtëpia e bashkëshortit, në Fier, një dhëndër ka zgjedhur të shkojë të marrë nusen e tij me helikopter.
Pasi dhëndri merr nusen me helikopter shihet që shoqërohet edhe me një varg makinash.
Një detaj interesant dhe që ra në sy janë petalet e trëndafilave të kuq që hidheshin nga helikopteri duke mbuluar dasmorët që ndodhen në makina.
