Bashkia e Korçës, në vijim të traditës tashmë shumë vjeçare do të organizojë edhe këtë vit festën e Birrës.
Ajo fton të gjithë dashamirësit e birrës të jenë në Korçë në 17-21 gusht.
“Është Festa e Birrës, festa qe kulmon verën dhe që vjen madhështore në edicionin e saj të 16-të në qytetin e Korçës.
Për herë të parë në Shqipëri, të shtunë, 20 gusht, do të jetë në një koncert madhështor në Korçë, në skenën e festës së birrës këngëtari grek Kostantinos Argiros, një nga emrat më të njohur në Greqi.
Emrat më të njohur të muzikës shqiptare Aurela Gaçe, Eranda Libohova, Eugent Bushpepa, Capital T, West Side Family, etj; do të jenë pjesë e 5 koncerteve madhështore që do të mbahen në skenën e festës pranë Terminalit të Autobusëve.
Për herë të parë në Festën e Birrës këtë vit mijëra vizitorë nga brenda e jashtë Shqipërisë do të kenë mundësinë të rezervojnë vendin e tyre në feste në një zonë të dedikuar, pozicionuar përballë skenës me shërbim të veçantë.
Për të gjithë ata që nuk duan të rezervojnë një tavolinë paraprakisht, hyrja do të jetë e lirë në hapësirat e tjera me tavolina në festë.
Ka filluar tashmë shitja e biletave të koncertit të kengetarit grek Kostantinos Argiros në çdo pikë easypay kudo në Shqipëri ose on line në faqen zyrtare të festës www.festaebirres.com
Të gjitha koncertet e tjera janë falas”, thuhet në njoftimin e Bashkisë së Korçës.
