Merreni seriozisht alarmin për temperaturat, sikur të jetë përmbytje!

“Ne mund të përjetojmë këto ditë, ditën më të nxehtë në historinë e Mbretërisë së Bashkuar,” sipas Prof Penny Endersby, shefi ekzekutiv i Met Office. Ajo paralajmëron gjithashtu temperatura të tjera të larta që priten nesër.

“Nesër me gjasë temperaturat do t’i kalojnë 40 gradë celsius”, i tha ajo BBC.

Por Endersby ka frikë se disa njerëz nuk po i marrin seriozisht paralajmërimet.

“Ata mendojnë se ne nuk duhet t’u themi të shqetësohen për nxehtësinë ashtu siç duhet kur u themi të shqetësohen për stuhinë ose erën.

Ne nuk jemi mësuar me këto temperatura. Nxehtësia shkakton qindra apo mijëra vdekje, kështu që njerëzit duhet të ndjekin këshillat për të qëndruar në hije, të freskët dhe të hidratuar.”