Ivana Trump vdiq pasi ra nga shkallët e shtëpisë së qytetit në NYC. Disa orë më pas ajo kishte takimin rutinë tek parukieri e saj. Ky takim në të cilin mungoi, u bë edhe shkak për t’u alarmuar familjarët.
Ajo u gjet në fund të shkallëve në shtëpinë e saj në Manhattan pak para orës 13:00 të së enjtes nga një anëtar i stafit që mbërriti në banesë dhe hetuesit mendojnë që ajo mund të ketë rënë. Gjithsesi mbetet për t’u vërtetuar nëse vdekja ndodhi nga rënia apo humbi ekuilibrin nga ndonjë episod mjekësor. Një shkak zyrtar i vdekjes ende nuk është konfirmuar.
“Ka qenë një ditë shumë e trishtuar, një ditë shumë e trishtuar”, tha Eric Trump teksa po largohej nga shtëpia e nënës së tij në Upper East Side pranë Central Park.
Ivana i kaloi ditët e saj të fundit duke u përgatitur për një largim të shumëpritur në vendin e origjinës.
Lajmi për vdekjen e Ivanës u nda fillimisht nga ish-bashkëshorti i saj, ish-presidenti Donald Trump, përmes një postimi në llogarinë e tij në Truth Social të enjten pasdite.
“Jam shumë i hidhëruar të informoj të gjithë ata që e donin, prej të cilëve ka shumë, se Ivana Trump ka ndërruar jetë në shtëpinë e saj në New York City”, ka shkruar ai.
Trump ka 3 fëmijë me ish-gruan e tij, me të cilën u martua në vitin 1977 dhe u divorcua në 1992, Donald Jr., Eric dhe Ivanka.
