Reshjet e shiut që përfshin vendin këtë të premten, do të sjellin një fundjave të freskët sipas sinoptikanëve.
“Reshjet e shiut sollën ulje të ndjeshme të temperaturave deri në 29 gradë Celsius. Ndërkohë mbetet e freskët kjo fundjave me temperatura që nuk do shkojnë më shumë se 31 gradë Celsius”.
Gjatë orëve të mbrëmjes pritet të ketë fuqizim të parametrit të erës dhe prani të shirave.
“Stuhia që ka goditur vendin tonë po sjell problematika përsa i përket parametrit të erës pasi kemi një erë të fortë përgjatë vijës bregdetare. Në orët e mbrëmjes dhe natës pritet të kemi fuqizim të parametrit të erës. Sa i përket reshjeve të shiut pritet të jenë prezente gjatë pasdites dhe në mbrëmje”.
Ndërkohë era e fuqishme pritet të mbetet problem edhe gjatë ditës së shtunë.
