Organizata Botërore e Shëndetësisë njoftoi ditën e djeshme se numri i rasteve me linë e majmunit në mbarë botën është rritur me 77% në shtatë ditë.
Që nga e hëna, kishte 6,027 raste të konfirmuara laboratorike të lisë së majmunit në 59 vende, një rritje prej 2,614 rastesh nga 27 qershori, hera e fundit që OBSH publikoi raportin e saj.
Tre vdekje u regjistruan në Afrikë, ku lija e majmunëve konsiderohet endemike. Nuk ka pasur vdekje nga virusi në SHBA apo pjesë të tjera të botës. Në Evropë, ku virusi është përhapur më shumë, janë 4,920 raste të konfirmuara.
Ekspertët shëndetësorë kanë paralajmëruar se çdokush mund të rezultojë pozitiv me virusin.
Periudha e karantinës nga momenti kur një person ekspozohet ndaj shfaqjes së simptomave të para mund të zgjasë nga pesë deri në 21 ditë, sipas OBSH-së. Sëmundja fillon me ethe, dhimbje koke, lodhje, të dridhura dhe dhimbje muskulore. Lija e majmunit gjithashtu shkakton ënjtje të nyjeve limfatike.
