Reperi Arkimed Lushaj i njohur me emrin e artit si Stresi është përfolur disa herë për lidhje të mundshme të cilat ai i ka mohuar.
Megjithatë duket se postimi i tij i fundit në Instagram ka konfirmuar se nuk janë vetëm fjalë, por Stresi është aktualisht në një lidhje. Reperi ka publikuar në Instagram një video ku shihet me dorën e kapur me një vajzë, identitetin e të cilës nuk e ka zbuluar.
Kjo vjen në një ditë të veçantë pasi Stresi feston sot 35-vjetorin. Vetëm disa javë më parë, reperi publikoi një video në Instastory ku shihej në makinë me një vajzë identitetin e të cilës nuk e bëri publik. Më pas u zbulua se vajza në fjalë ishte modelja me emrin Megi e cila kishte marrë pjesë edhe në videoklipin e tij.
Pas kësaj Stresi u shpreh se nuk është i lidhur me vajzën me të cilën postoi videon, por është i lidhur me shumë femra. Stresi e mbylli videon duke përshëndetur të gjitha ish-të dashurat e tij. Nuk dihet nëse kjo është një tjetër lojë apo dikush është në jetën e Stresit.
