Mbërrin Vera. I gjithë vendi do përfshihet me temperatura deri në 28 gradë.
Sipas sinoptikanëve kjo javë do të regjistrojë temperatura të larta jo vetëm në mesditë por edhe gjatë orëve të mëngjesit.
“Kjo javë pritet që të shënojë temperatura të larta. Janë rritur vlerat jo vetëm në mesditë por edhe gjatë mëngjesit. Termometri ne mesditë do të jetë nga 24-28 gradë gjatë gjithë kësaj jave”, thotë meteorologia Lajda Porja.
Edhe pse me temperatura të larta, në vend nuk do të mungojnë edhe vranësirat.
“Vranësirat do të jenë të pranishme, megjithëse nuk presim ndonjë sistem të fuqishëm me reshje”.
Muaji Prill pritet të mbyllet me temperatura disa gradë më të larta se normalja.
