Shtrimet në spitalin Infektiv kanë rënë ndjeshëm. Sipas bluzave të bardha, mesatarisht në këtë spital shtrohen 5-8 pacientë në ditë.
“Ka 50% reduktim të numrit të shtrimeve krahasuar me dy javë më parë. Tet të rriturit kemi pasur të gjitha grupmoshat. Predominojnë pacientët e pavaksinuar, me sëmundje bashkëshoqëruese dhe mosha e tretë, mbi 55-65 vjeç”, thonë mjekët.
Ndonëse Shkurti solli një ulje të rasteve aktive me rreth 60% në krahasim me Janarin, vdekjet mbeten të larta. Sipas të dhënave të Ministrisë së Shëndetësisë për Janarin u shënuan 129 vdekje nga Covid ndërsa për Shkurtin 123.
“Në rastet që shtrohen janë të formave të rënda e kritike. Kanë pamjaftueshmëri të frymëmarrjes ose kanë sëmundje kronike të rënduara” , thonë mjekët.
Edhe pse prej dy muajsh varianti Omicron është dominues, sipas mjekes klinika e pacientëve që shtrohen në spital mbetet e njëjtë.
“Si klinikë predominon e njëjta, por janë t paktë ata që paraqiten me forma të rënduara” , thonë mjekët.
Marsi ka nisur me një numër më të ulët qoftë të infektimeve edhe të shtrimeve në spital. Ndaj Komiteti Teknik pas dy vitesh pandemi, vendosi heqjen e orës policore duke nisur nga 3 Marsi.
