Unioni i Transportit Publik u tërhoq këtë të hënë nga paralajmërimi se prej 1 Marsit nuk do të ofronin më shërbim për qytetarët për shkak të krizës çmimeve.
Ky vendim sipas tyre erdhi pas një takimi me përfaqësues të Bashkisë së Tiranës prej nga dolën me premtimin për mbështetje financiare.
Megjithatë transporti urban në rrethe do të vijojë punën me një kapacitet të reduktuar deri në 50% të flotës.
Unioni i Transportit Publik ka parashtruar disa kërkesa ekonomike në mënyrë që ky sektor të mos përfundojë në kolaps, ku përfshihen heqja e akcizës për naftën, rimbursim për kategoritë që udhëtojnë falas, si dhe rimbursimi i biletës me 10 deri 15 Lekë për çdo biletë të shitur.
