Masat antiCovid në Shqipëri do të lehtësohen. Sipas Institutit të Shëndetit Publik, për shkak të situatës së përmirësuar epidemiologjike, në mbledhjen e radhës të Komitetit Teknik që pritet të mbahet shumë shpejt do të njoftohen masat që do të hiqen.
“Në javët e fundit vërehet një trend në rënie e numrit të infektimeve ditore dhe dy javët e fundit të Shkurtit ka një rënie të infektimeve me 17 % krahasuar me muajin Janar. Ka ardhur koha dhe siç është njoftuar nga Ministria e Shëndetësisë që do njoftohen masat lehtësuese duke vlerësuar situatën epidemiologjike, ashtu siç po merren në rajon dhe Europë”, thuhet nga ISHP.
Por a jemi në endemi me këto shifra? Simaku thotë: “Raste do ketë gjithmonë, por rastet sporadike parashikohen në Prill-Maj. Është një parashikim optimist nga OBSH dhe ekspertët që në Vjeshtë-Dimër do jetë gjendje endemike dhe virusi do të trajtohet njësoj si gripi”.
Sipas Simakut, vaksinimi antiCovid në Shqipëri nuk duhet të ndërpritet për të patur situatën në kontroll.
