Akademia e Arteve dhe Shkencave të Filmit do të kërkojë nga të gjithë të ftuarit dhe të nominuarit të tregojnë prova të vaksinimit kundër koronavirusit, si dhe dy teste negative për të marrë pjesë në Oscars këtë vit.
Çmimet e 94-ta të Akademisë do të zhvillohen në Teatrin Dolby në Los Anxhelos më 27 mars. Teatri Dolby ka rreth 3320 vende dhe 2500 të ftuar priten në shfaqjen e këtij viti.
Interpretuesit dhe prezantuesit do të duhet t’i nënshtrohen “testimit rigoroz”, por nuk do t’u kërkohet të tregojnë prova të vaksinimit, tha fillimisht një zëdhënëse e Akademisë për New York Times të enjten. Vendimi u mor në përputhje me protokollet e sigurisë në lidhje me standardet e kthimit në punë të vendosura nga Los Angeles County, tha zëdhënësja.
Për më tepër, kërkesat për maska do të ndryshojnë gjithashtu në varësi të vendit ku janë ulur të pranishmit dhe të nominuarit – të nominuarit dhe të ftuarit e tyre do të ulen në zonat e orkestrës dhe parterre të Teatrit Dolby dhe nuk do t’u kërkohet të mbajnë mbulesa për fytyrën, por do të jenë të ndarë më shumë se e zakonshme, sipas zëdhënëses.
