Ilir Shaqiri është një nga banorët më të komentuar në shtëpinë e “Big Brother VIP” dhe pretendohet si një prej pretendentëve për të marrë fitoren sonte në finalen e madhe. Me gjithë zënkat, debatet dhe nominimet e vazhdueshme në të cilat është përfshirë, ai ia ka dalë të vazhdojë lojën me qëllimin e qartë për të arritur deri në fund.
Para dy ditësh Iliri nuk mund t’i mbante lotët teksa ka dëgjuar zërin e vajzës së tij. Brenda shtëpisë së “Big Brother VIP” u vendos kënga e re e Emily, që ishte dhe një dedikim për të atin. Mbrëmjen do të jetë finalja e madhe në ekranin e Top Channel, ku mendohet që në studio do të jenë dhe familjarët e konkurrentëve për t’i mbështetur dhe për t’i pritur pasi të dalin nga shtëpia më e famshme në Shqipëri. Megjithatë, një surprizë jo e mirë e pret Ilirin sot.
Emily nuk do të jetë prezente në finalen e “Big Brother VIP”. Arsyeja e kësaj është pasi ajo ka rezultuar pozitive me Covid-19. Lajmin e ka bërë të ditur vetë ajo nëpërmjet një videoje të postuar në llogarinë e saj në Instagram ku ka shprehur dhe keqardhjen që nuk do mund të jetë. Megjithatë, bashkëshortja e Ilirit, Emanuela do të jetë e pranishme sot për të mbështetur bashkëshortin e saj.
