Me kthjellime dhe vranësira të shpeshta do të kemi gjatë gjithë ditës së sotme edhe pse vranësirat do të jenë prezente nuk do të rrezikojmë për reshje gjatë gjithë ditës. Ndërkohë dita e diel sjell fuqizim të vranësirave dhe për pasojë shira lokal kryesisht në jug, në qendër dhe në veriperëndim të vendit. Ndërkohë duke iu afruar ditës së hënë kemi sërish fuqizim të vranësirave për pasojë vendi ynë do rrezikohet për reshje të dobëta shiu. Ndërkohë në të gjithë zonën malore do të ketë reshje të pakta dëbore.
Kjo situatë e paqëndrueshme mbetet edhe përgjatë ditës së martë dhe të mërkurë, vetëm për zonat veriperëndimore dhe veriore të vendit, ndërsa e gjithë zona tjetër do të jetë nën alterimin e kthjellimeve dhe vranësirave të shpeshta. Duke filluar nga dita e enjte dhe ditët në vijim do të kemi stabilizim të kushteve atmosferike për pasojë kthjellimet do të jenë dominuese në të gjithë vendin.
Sa i përket situatës termike temperaturat vijojnë dhe rriten në të dyja vlerat. Kjo rritje do të jetë graduale duke filluar nga e enjtja do të kemi një “minipranverë”, përgjatë ditëve të enjte dhe të premte. Parashikohet që termometri të arrijë edhe në 20 gradë celsius.
