Mbrëmjen e djeshme Beatrix Ramosaj vendosi të mos bëhej pjesë e banorëve të cilët ishin të ftuar si mysafir në shtëpinë e BBV, pasi një batutë ku përmendej emri i moderatores Bora Zemani, e shkëmbyer mes Donaldit dhe Ermal Mamaqit i cili ishte i ftuar një ditë më parë, duket se e mërziti atë.
Kështu ka lajmëruar edhe moderatorja Arbana Osmani gjatë spektaklit duke shpjeguar arsyen se pse Beatrix kishte vendosur të mos i bashkohej grupit të banorëve. Gjatë diskutimeve në spektakël u hodhën disa hamendësomë se pse mund të ishte mërzitur Beatrixa d he ishte vetë Ermali, i cili publikoi një reagim në rrjetet e tij sociale, ku i kërkoi ndjesë Beatrixit nëse e kishte lënduar duke i shpjeguar se ishte thjesht një shaka dhe pa asnjë qëllim ofendues. Por duket se nuk ishte batuta e Ermalit ajo që e mërziti atë.
Anxhelina Hadërgjonaj, kushurira e Beatrixit, ka komentuar në videon e postuar nga Ermali, ku shpjegon edhe arsyen se pse u mërzit Beatrix.
“Ermal sepse siç e the dhe vet jemi miq, dhe ta siguroj nuk eshte prek nga permendja e personave te tretë (sepse Trixes i janë fut parashuta me te tilla provokime dhe nuk ka reaguar, sepse nuk i intereson), por është prekur nga batuta palidhje e Zoteri Salsanos (per vrasje e therje) dhe te qeshurat histerike te banoreve qe ajo i konsideronte shume te afert. Ti e fillove po u perkeqesua nga te tjerët qe qeshin akoma me humor te 95′. Kaq! Trixa ka te drejtën e te gjithe botes te merzitet e te marre cfarë vendimi te doje sepse boll ka toleruar” shkruan Anxhelina në komentin e saj.
