Kreu i OBSH-së dha një paralajmërim për liderët botërorë, ku tha se pandemia e Covid-19 nuk është drejt fundit. Dr Tedros Adhanom Ghebreyesus tha se nuk është e vërtetë që varianti i ri dominues, Omicron, është më i butë dhe ka ulur rrezikun nga virusi.
Evropa po sheh një rritje të ndjeshme të numrit të rasteve të reja. Franca raportoi gjysmë milioni raste të reja. Për herë të parë që nga fillimi i pandemisë, më shumë se 100,000 infeksione të reja u regjistruan në Gjermani brenda 24 orëve të mërkurën.
Duke folur gjatë një konference për shtyp në selinë e OBSH-së në Gjenevë, Dr Tedros u tha gazetarëve se përhapja e Omicron kishte çuar në 18 milionë raste të reja në të gjithë botën gjatë javës së kaluar. Ndërsa ky variant mund të rezultojë të jetë më pak i rëndë, të thuash që është një sëmundje e lehtë, është një gënjeshtër, u shpreh ai.
Omicron ka rritur shtrimet në spital, shumë njerëz kanë humbur jetën si pasojë e këtij varianti madje edhe rastet më pak të rënda, po çojnë në kolaps sistemet shëndetësore.
Ai paralajmëroi udhëheqësit globalë se me rritjen e rasteve në nivel global, ka të ngjarë të shfaqen variante të reja.
