Igli Zarka ishte banori, i cili ndenji më pak brenda shtëpisë më të famshme në Shqipëri.
Ai u largua për shkak të problemeve shëndetësore dhe brenda u duk se nuk u ambientua me asnjë nga banorët, por mbështetja që i jep jashtë Donaldit tregon të kundërtën.
I ftuar te emisioni “Ftesë në 5”, ndër të tjera, atij ju kërkua dhe një koment mbi situatën më të nxehtë rozë të momentit.
Fillimisht ai tha se Donaldin e vlerëson shumë për pozitivitetin që ka:
“E kam vlerësuar shumë, pres të pi kafe me të kur të dalë”, u shpreh ai.
Sa i takon marrëdhënies së Donaldit me Beatrix-in dhe Borës, Igli tha se midis tyre nuk sheh një ‘trekëndësh’.
“Donaldi e ka thënë mbi 15 herë që është vetëm. Shoh një Donald shumë të qartë”, shtoi ai.
Igli preku edhe një detaj që sipas tij, shumica nuk e vunë re. Sipas tij Donaldi asnjëherë nuk ka folur tepër për Borën dhe se çfarë e ka zhgënjyer nga kjo marrëdhënie e kjo për aktorin është burrëri.
“Ai kafshoi dorën. Ky gjest do të thotë nuk flas. Tregoi burrëri! Edhe pse i kishte të gjitha armët drejtuar vetes, duroi”, tha Igli.
Kujtojmë se edhe Romeo kur hyri për t’i bërë surprizë gjysmës së tij Donaldit, i tha bravo që e mbajti gojën, pavarësisht presionit.
