Përparim Rama u betua sot para anëtarëve të Kuvendit Komunal të Prishtinës, për postin e kryetarit të Prishtinës.
“Nga sot, do i përvishemi punës. Prishtina do të jetë qyteti i fëmijëve, të moshuarve, prindërve, sportistëve e artistëve. Vend plot mundësi, qytet i gjelbër. Me trafik të komunikueshëm e i digjitalizuar. Të nderuar asamblistë, si kryetar i Prishtinës, do të bashkëpunoj me secilin prej jush, për të mirën e kryeqytetit, për Prishtinën”, tha Rama, pas betimit.
Përparim Rama nga Lidhja Demokratike e Kosovës doli fitues në raundin e dytë të zgjedhjeve lokale në garën me Arben Vitinë e Lëvizjes Vetëvendosja.
