Fundjava parashikohet të jetë nën ndikimin e masave ajrore të paqëndrueshme të cilat do të sjellin mot me vranësira dhe reshje shiu.
Sipas Shërbimit Meteorologjik Ushtarak, ditën e shtunë moti do të jetë kryesisht i vranët. Reshje shiu në pjesën më të madhe të vendit. Intensitetin më të lartë reshjet pritet ta jenë në veriperëndim e qendër të vendit që në orët e para të mëngjesit, reshje në formën e rrebesheve dhe stuhive shoqëruar me shkarkesa elektrike.
Gjatë ditës reshjet e shiut do mbeten prezente në të gjithë vendin të herëpashershme me intensitet mesatar. Në lartësinë mbi 1100 metra në verilindje dhe në lartësinë mbi 1400 metra në juglindje reshje bore me intensitet të ulët deri mesatar.
Ditën e diel do të mbizotëroj mot i vranët e në intervale te shkurtra kohore do të kemi përçarje të tyre. Reshjet e shiut do të jenë prezent të herëpashershme në pjesën më të madhe të vendit me intensitet të ulët deri mesatar. Në zonat malore lartësinë mbi 1000 metra reshje bore me intensitet të ulët, ndërsa në Alpe me intensitet deri mesatar.
Era do të jetë nga juglindja -jugperëndimi me shpejtësi mesatare 1-8m/sek, e cila hera-herës përgjatë vijës bregdetare dhe në momentin e zhvillimit të vranësirave fiton shpejtësi deri në 20m/sek, shoqëruar me një dallgëzim të forcës 4-5 ballë.
