5.5 C
Tirana
Tuesday, January 25, 2022
spot_img

Mediat serbe të alarmuara: Shqipëria dhe Kosova do të bashkohen

Takimi i dy krerëve të Shqipërisë dhe Kosovës ditën e sotme në Elbasan, në kuadër të mbledhjes së përbashkët të qeverive të dy vendeve, duket se ka qenë në vëmendje dhe të mediave serbe.

Veçanërisht është shkëputur një deklaratë e kryeministrit Edi Rama i cili tha se do të votonte pro nëse do të bëhej një referendum paqësor për bashkimin e Shqipërisë dhe Kosovës.

Media serbe b92.net e ka hapur artikullin e saj me titullin “Shqipëria dhe Kosova do të bashkohen”.

“Kryeministri i Shqipërisë Edi Rama është shprehur se beson se Shqipëria do të bashkohet me Kosovën. Rama shtoi se nuk e dinte se kur do të ndodhe kjo”, shkruan media serbe ndërsa ka cituar pjesë nga deklarata e Ramës.

“Nëse më pyesni hipotetikisht për një referendum paqësor për bashkimin kombëtar, do të shkelja ligjin për fshehtësinë e votimit dhe e them hapur do votoja pro. Në rast se pyesni nëse do të ndodhë kjo apo jo, duke provokuar, unë them do të ndodhë, por se kur nuk e di. Por do të ndodhë një ditë”.

“Rama theksoi se ata që mund ta interpretojnë deklaratën e tij si “kërkesë” për krijimin e Shqipërisë së Madhe, duke i cilësuar si “fallxhorë” nuk gjykohen”, vijon më tej media serbe.

Këtë të premte u zhvillua takimi i shtatë mes liderëve të Kosovës dhe Shqipërisë në Elbasan. Një prej çështjeve të diskutuara gjatë konferencës së përbashkët ishte dhe nisma rajonale “Open Balkan”, ku pati dhe ndarje në opinione mes Ramës dhe Kurtit.

Kreu i qeverisë shqiptare deklaroi se pavarësisht se ka një mendim të kundërt nga Kurti, kjo nuk e pengon që dy vendet të kenë marrëdhënie të mira mes njëri-tjetrit.

Related Articles

Na ndiqni

4,806FansLike
3,135FollowersFollow
0SubscribersSubscribe
- Advertisement -spot_img

Më të fundit