Personat që do ta kalojnë Covid-19 do të mund të marrin edhe Green Pass-in, pasaportën e gjelbër që u mundëson të udhëtojnë në mjaft vende të huaja. Certifikata e shërimit nga Covid do të integrohet shumë shpejt në certifikatën e vaksinimit në Shqipëri, siç ndodh në shumë vende të Bashkimit Europian.
Zëvendësministrja e Shëndetësisë, Eugena Tomini thotë se vlefshmëria e certifikatës së shërimit do të ketë një afat 6 mujor.
Që prej Janarit kur nisi procesi i vaksinimi, popullsia shqiptare është vaksinuar me vaksinat Pfizer, AstraZeneca, Sputnik dhe Coronavac. Në Green Pass njihen Pfizer dhe AstraZeneca, ndërsa vende të ndryshme njohin edhe vaksinat ruse dhe kineze. Së fundmi, duke filluar nga 8 Nëntori, SHBA do të lejojë udhëtimin edhe të qytetarëve shqiptare të vaksinuar me Sinovac, vaksinën e miratuar nga OBSH, por që ende nuk ka marrë miratimin e EMA.
