Gjëja më e vështirë pas një ndarje është të kapërcesh atë që ndodhi dhe të ecësh përpara. Për disa është vetëm çështje kohe dhe jeta e tyre kthehet në normalitet shumë shpejt, për të mos thënë që pas pak javësh e gjejnë veten në krah të një partneri tjetër. Për disa të tjerë, mund të duhen muaj… ose edhe vite për të qenë gati për një njeri tjetër në jetën e tyre. Por ka dhe nga ata që iu thyhet zemra dhe nuk arrijnë të shërohen për një kohë shumë të gjatë emocionalisht.
Meqenëse ne mbështetemi tek shenjat tona të zodiakut për të ditur më shumë për veten dhe personalitetin tonë, edhe në këtë aspekt të jetës shenja e Zodiakut na tregon se si e kapërcejmë një situatë ndarje: Vuajmë shumë apo rikthehemi në normalitet shumë shpejt? Këto janë shenjat që e vuajnë më shumë një ndarje.
Demi: Demi përfshihet i gjithi dhe marrëdhënien që krijon shpreson të zgjasë përjetë. Ata janë mësuar me emocionet e forta dhe e duan një marrëdhënie të përkushtuar.Në rast të një ndarje, demit i duhet një kohë e gjatë për ta kapërcyer, ndonjëherë edhe vite të tëra. Në krahasim me shenjat e tjera, demit i duhet më shumë kohë nga të gjitha për të kapërcyer një ndarje.
Akrepi: Njerëzit e kësaj shenje keqkuptohen për pjesën e dashurisë dhe romancës. Ata dyshohen si hakmarrës të rrezikshëm. Pasioni shpesh është i lidhur me vetë këtë shenjë. Akrepi kërkon një kohë shumë të gjatë për t’u përfshirë dhe për t’u dashuruar me dikë. Sepse për ta besimi vjen i pari dhe dashuria ndjek hapat e besimit. Pas një ndarje, është humbja e besimit që e dëmton më shumë një akrep, më shumë sesa vetë humbja e dashurisë. Gjëja më e keqe që bën një akrep pas një ndarje, është ndërtimi i një muri të madh duke mos lënë asnjë mundësi për emocione të reja, për shumë kohë. Ashtu si demi, akrepit i duhet një kohë shumë e gjatë për të kapërcyer ndarjen e për të mos menduar më për ish parnerin.
Virgjëresha: Përfshihet me zemër dhe shpirt në një marrëdhënie për ta bërë atë të përsosur. Virgjëresha mendon gjithmonë se është përgjegjëse e ecurisë së një marrëdhënie dhe kjo e bën të ndihet shumë fajtore pas një ndarje. Pendimi se nuk e bëri të mundur që lidhja të zgjaste më shumë e shqetëson virgjëreshën për një kohë jo të shkurtër. Për virgjëreshë është e vështirë të ecë përpara pas një ndarje, ndonëse nuk ia privon vetes njohjet e reja.
Ujori: Ujori nuk dashuron lehtë dhe i duhet shumë kohë për të superuar një ndarje sepse shumicën e kohës ata e kalojnë duke u përpjekur të kuptojnë nëse emocionet që ndjejnë lidhen me dashurinë. Kur një lidhje përfundon papritur, një Ujor do të bëjë gjithçka për të injoruar faktin se i është thyer zemra, në vend që ta pranojë atë. Si rezultat, emocionet e mbyllura e bëjnë të vështirë për të të shërohet shpirtërisht. Kjo gjendje mund të vazhdojë për një periudhë të gjatë kohore derisa ai të pranojë realitetin dhe të jetë gati për të nisur gjithçka nga e para.
