Një diplomë e shkollës së lartë mund t’ju fusë në rrugën e shpejtë drejt suksesit në tregun e sotëm të punës. Por duket pranuar se arsimi i lartë po kthehet në një investim të shtrenjtë që për shumë njerëz në gjithë botën vazhdon të jetë i paarritshëm.
Gjatë 10 viteve të fundit, kostot e Kolegjeve janë rritur me rreth 25 %. Borxhi studentor është rritur së bashku me kosto të tjera. Kjo do të thotë se aktualisht amerikanët i detyrohen më shumë se 1.73 trilion dollarë kredi studentore shtetit. Sipas një raporti të fundit nga Byroja e Statistikave të Punës në SHBA, ka një sërë punësh që nuk kërkojnë më një diplomë bachelor në disa industri që pritet të jenë në kërkesë të lartë gjatë 10 viteve të ardhshme.
Shumë nga këto punë kërkojnë një diplomë të shkollës së mesme, një diplomë të asociuar ose një certifikatë trajnimi pas shkollës së mesme.
Një certifikatë post-sekondare, që nuk është diplomë është pak a shumë një kur që zakonisht përfundohet në më pak se dy vjet dhe në fakt mëson aftësitë ose njohuritë specifike të nevojshme për një punë. Janë kryesisht si certifikatat e EMT.
Ekzistojnë tre tendenca që nxisin rritjen e pothuajse të gjitha vendeve të punës: rritja e kërkesës për energji të qëndrueshme, një popullsi në plakje dhe interesi i ripërtërirë për vetë-kujdesin gjatë pandemisë koronavirus.
Teknikët e shërbimit të turbinave të erës dhe instaluesit fotovoltaikë diellorë janë parashikuar të jenë disa nga punët me rritjen më të shpejtë të dekadës falë urgjencës së ndryshimit të klimës dhe kërkesës për energji të qëndrueshme.
Asistentët e terapisë profesionale, asistentët e terapisë fizike, ndihmësit e kujdesit personal dhe ndihmësit e terapistit fizik do të bëhen role kritike pasi më shumë njerëz do dalin në pension dhe do varen nga këto shërbime. Në një analizë të fundit, Universiteti i Kalifornisë Jugore zbuloi se kostot e kujdesit shëndetësor për këtë grup pritet të jenë të larta, pasi ky brez “Po jeton më gjatë, megjithatë po përjeton nivele më të larta të obezitetit, diabetit, kolesterolit të lartë dhe hipertensionit”.
Shefi i Divizionit të Statistikave të Punës Michael Wolf tregon për CNBC se asistentët e terapistit fizik dhe ndihmësit e terapistit fizik kanë role të veçanta, të dallueshme: asistentët janë të përfshirë në mënyrë aktive në ofrimin e kujdesit për pacientët, ndërsa ndihmësit nuk përfshihen në ofrimin e kujdesit, pasi ata fokusohen në detyrat administrative si plotësimi i shkresave të zyrës.
Pas izolimit të shkaktuar nga pandemia për 18 muajt e fundit, njerëzit po investojnë më shumë në shërbimet personale si masazhet dhe kurset e vetë-pasurimit, duke çuar në rritjen e kërkesës për terapistë dhe masazhues. “Njerëzit po kuptojnë se përqendrimi dhe ruajtja e kujdesit të tyre për veten është e rëndësishme jo vetëm për gjendjen e tyre mendore, por edhe për mirëqenien e tyre të përgjithshme,” thotë ekspertja e karrierës Monster Vicki Salemi.
Vicki Salemi me ekspertë të tjerë kanë listuar punët që pritet të kenë kërkesat më të larta në 10 vitet e ardhshme e ku praktikisht nuk kërkohet një diplomë bachelor.
