Pavarësisht një rritjeje të rasteve aktive në vend, ekspeertët e konsiderojnë situatën të qëndrueshme. Në mbledhjen e Komitetit Teknik të Ekspertëve, u vendos që masat anti-Covid të mos ndryshojnë edhe për dy javë të tjera.
Zv.ministrja e Shëndetësisë, Mira Rakacolli bëri me dije masat që janë dhe do vijojnë të jenë në fuqi:
– Edhe për këto dy javë ora policore nuk ndryshon, do jetë 23:00-06:00.
– Do të jetë në fuqi përdorimi i maskave në ambientet e mbyllura, aeroporte, transporte publike, markete, qendra tregtare etj.
– Nuk lejohet grumbullimi më shumë se 50 persona.
– Aktivitetet sportive dhe kulturore, në ambientet e parashikuara me kapacitet jo me shumë se 30 % duke respektuar protokollet që janë të rekomanduara nga ISHP.
– Do vazhdojë rregulli i hyrjes së qytetarëve të huaj në Shqipëri.
– Në gjithë pikat kufitare,kërkohet prova e vaksinimit. Nëse nuk e kanë pasaportën e vaksinimit do duhet të paraqesin provën e kalimit të sëmundjes Covid brenda 180 ditëve, apo testin deri në 72 orë nëse është test PCR.
– Për shqiptarët që hyjnë dhe nuk kanë asnjë nga këto dokumente, është në fuqi vendimi për karantinë 10 ditë.
