Temperaturat përvëluese të ditës së sotme kanë kulmuar me 43 gradë, në qarkun e Elbasanit dhe Beratit. Meteorologia e Meteoalb Lajda Porja ka treguar se vala e të nxehtit afrikan do të vijojë për disa ditë deri në fundjavë, ku pritet që të shtunën temperaturat të ulen në 1-3 gradë më pak por do të ngrihen sërish të dielën. Edhe ditët e para të muajit gusht parashikohen të jenë të nxehta deri me datë 6, por jo që të kalojnë vlerat mbi 40 gradë. Meteorologia theksoi se kjo nuk është vera me e nxehtë në Shqipëri, por tre valë afrikane në muajin korrik ka pasur vetëm ky vit.
Ditë shumë e nxehtë, ora shënon ora 5, jashtë është shumë nxehtë, duket si në mesditë dhe jo pasdite. Në fakt krahasuar me dje sot ka pasur një rritje. Temperaturat më të larta kanë arritur në 43 gradë, në Elbasan, Berat, Kuçova, Ura Vajgurore. Diçka më freskët në Veri pasi po tërhiqet kjo valë. Sot është ndier nxehtë dhe në zonat juglindore që i ka përfshirë. Parashikohet që valët e të nxehtit të tretë afrikan, deri më tani me temperaturat më të larta, do të vijojnë deri në fundjavë, edhe pse e shtuna do të sjellë një rënie me 2-3 gradë, pritet që e diela të risjellë 1-2 gradë rritje. Valët e të nxehtit afrikan do t’i kemi dhe për disa ditë.
A themi që kjo është vera më e nxehtë?
Një ngjashmëri me vitet 2016, 2017, nëse kujtojmë 2019, por ky korrik ka patur 3 valë të nxehta afrikane. Historiku është shënuar në Gjirokastër në 2016, me 43.4 gradë. Është ndër verat më të nxehta të 5 viteve të fundit. Temperaturat më të larta ka pasur zona e ndërmjetme, pasi i nxehti pengohet nga vargmalet e Lindjes. Në korrik zakonisht kemi pasur 1-2 valë. Korriku ka qenë më ditë shumë të nxehta.
Parashikohen deri në datat 6-7 gusht temperature të larta mbi 35 gradë. Do të kemi freskim të ndjeshëm pas datës 6, por do të kemi valë të nxehta edhe në gusht. Korriku ka shënuar rekorde. Gushti do të ketë temperatura por jo më të larta se 40 gradë. Nuk do të ketë reshje, nuk presim reshje, por në zona të izoluara presim ndonjë rrebesh.
Problematike gjatë ditës dhe natës së sotme do jetë parametri i erës në zonat jugore e juperëndimore pritet forcim me 50 km/h kjo bën që të favorizojë dhe shpërndarjen e zjarrit duke mos e izoluar. Deri nesër në mesditë era do jetë problematike për zjarret.
