22.5 C
Tirana
Wednesday, August 4, 2021
spot_img

Askush nuk flet për Julin, Blerimin ose Fabianin…..

Nga Denisa Cerma

Peshku, karkaleci, omleta, uji, kokteji, etj; me radhë, na kanë ardhur në majë të hundës çdo verë… Jo nga shija, por herë pas here për çmimet e produkteve që konsumohen, për shërbimin e keq, për kuzhinën që nuk justifikon çmimin, për kamarier që vetëm i shajnë… për krahasime që u bëjmë pa menduar një çik më shumë stafeve në vend me ato të trajnuara turke e greke…

Tjetër muhabet ky edhe që u ka tjerrë aq shumë sa po e lëmë aty ku është…

Por bregu gjatë verës nuk është vetëm kaq… është shumë më shumë, që ti, po të heqësh syzet firmato mund të të zërë syri edhe disa gjëra që mund t’i publikosh si faturat që nuk i kursen… Janë mijëra djem të rinj që lënë familjet dhe e kalojnë verën mes djersës, mes punës pa turne, nga mëngjesi në darkë, janë ata djem që nuk kanë “gojë” t’i ankohen apo kthehen me dinjitet klientit që edhe mund t’i ofendojë, as atij që ngre gishtin dhe i drejtohet “o djali” “ o çuni” “o ti shoku” vetëm e vetëm se shpresojnë t’u lënë atë bakshishin që aq shumë u duhet…

Një djalë i ri humbi jetën para disa ditësh pas gjaknxehtësisë së pronarëve që e kishin marrë në punë… Të tjerë edhe përfshihen në zënka gjatë punës… Jo! Jo më!

Pronarë, administratorë biznesesh verore: Mos përfshini stafet në zënkat tuaja! Mos bëni kurban zemrën e nënës, që kur i merrni në punë djalin, pret me telefon në dorë orën 12 të natës kur ai të ketë mbaruar punën e nëse i ka ngelur edhe pak fuqi të flasë me të ëmën disa minuta para se ta zërë gjumi e ngrihet përsëri në 6:00AM…

Klientë! Mos i trajtoni me përçmim kamerieret, punonjësit e stacioneve të plazheve, apo ato të mirëmbajtjes së hoteleve!

Si Juli, Fabiani apo Blerimi ka shumë! Mos ia bëni më të “nxehtë” verën… Ti i sfidon temperaturat nën çadër, ndërsa ai është aty, në diell, për të të shërbyer… “ Falja” edhe nëse në një rast nuk të buzëqesh sepse shpirt ka edhe ai!

Related Articles

Na ndiqni

4,806FansLike
2,883FollowersFollow
0SubscribersSubscribe
- Advertisement -spot_img

Më të fundit