Ushtrimet e rregullta dhe të mundimshme rrisin rrezikun e sëmundjes së neuroneve motorike tek njerëzit që janë gjenetikisht të prekshëm. Këtë kanë zbuluar shkencëtarët e Universitetit Sheffield, të cilët thonë se megjithatë ushtrimi fizik nuk duhet të ndalet nga askush.
Ata thonë se studimi ndihmon personat që ushtrohen rregullisht që të marrin këshillat e duhura dhe njëkohësisht të mos rrezikojnë shëndetin duke u stërmunduar.
Në përgjithësi, rreth një në 300 njerëz do të zhvillojnë sëmundje të neuroneve motorike për shkak të ushtrimeve të sforcuara. Kjo sëmundje, ndikon në aftësinë motorike të njerëzve për të lëvizur, për të folur dhe madje edhe për të marrë frymë, kjo për shkak se neuronet motorike që përcjellin mesazhe nga truri e më pas në muskuj dështojnë se kryeri funksionin.
Kjo do të thotë se persona të dobët fizikisht, që në lindje apo me kushte gjenetike të tilla, duhet të ushtrohen aq sa munden dhe jo duke tejkaluar kapacitetin e tyre të forcës.
Atletët përfshirë Rob Burrow, Stephen Darby (futboll) dhe Doddie Weir kanë folur hapur për sëmundjen.
Studimi është botuar në revistën EBioMedicine, dhe tregon se shumë prej gjeneve që dihet se rrisin rrezikun e sëmundjes së neuroneve motorike ndryshojnë sjelljen e tyre në përgjigje të stërvitjes.
Njerëzit me mutacionin më të zakonshëm të lidhur me MND zhvillojnë sëmundjen në një moshë më të hershme nëse ushtrohen fuqishëm.
