Komiteti Teknik i Ekspertëve vendosi pak ditë më parë masat e reja për parandalimin e përhapjes së COVID-19 që do të futen në fuqi duke filluar nga dita e sotme, 1 qershor.
Pavarësisht se prej disa javësh është neglizhuar nga nesër hiqet zyrtarisht detyrimi për mbajtjen e maskës në ambientet e jashtme, por është e detyrueshme brenda dhe në transportin publik. Ora policore shtyhet në 23:00 deri në 06:00.
Klubet e natës dhe diskot do të vijojnë të mbeten të mbyllura, ndërsa muzika do lejohet deri në orën 22:00. Në 24 orët e fundit në Shqipëri janë shënuar 6 raste të reja dhe 1 humbje jete nga COVID-19.
Masat e reja që futen në fuqi sot
Hiqet detyrimi për mbajtjen e barrierës mbrojtëse ne ambientet e jashtme. Do vijoje te mbetet detyrimi i mbajtjes se maskës ne ambientet e mbyllura si dhe ne mjetet e transportit publik.
Rekomandohet mbajtja e maskës kudo ku nuk mund te ruhet distancimi sociale si edhe për ata qe ende nuk kane bere dy dozat e vaksinës qe konsiderohen persona ne risk.
Ora policore shtyhet ne orën 23:00 -06:00.
Klubet e natës, diskot, vijojnë te mbeten te mbyllura. Muzika do lejohet deri ne orën 22:00.
Nga 15 Qershor:
Grumbullimet ne ambientet e jashtme nga 10 persona bëhen 50 persona, duke respektuar rregullat e distancës sociale ne zbatim te protokolleve te ISHP.
Nga 1 Korriku:
Ora policore shtyhet ne orën 24.00 -06:00.
Orari për muzikën nuk ndryshon, pra do mbetet ora 22:00.
Lejohen kampionatet sportive me prezence te tifozëve me kapacitete te reduktuara deri ne 30% sipas protokollit te ISHP.
Lejohen aktivitetet e teatrove, shfaqjeve artistike dhe kulturore, konferencave, me kapacitet te reduktuar deri ne 30% te spektatoreve apo pjesëmarrësve, sipas protokolleve te ISHP.
