Duka i Sussex akuzoi familjen mbretërore për heshtje dhe neglizhencë totale pasi gruaja e tij Meghan Markle u përpoq të përshtatej me jetën në pallat. Në një seri tjetër dokumentare me Oprah Winfrey, Princi Harry tregoi sesi ai arriti në atë stad sa piu dhe ilaçe dhe më pas bëri terapi për të mundur traumën e vdekjes së nënës së tij, por edhe nga frika se ngacmimet e mediave do të çonin në vdekjen e gruas së tij.
Harry u shpreh se: “Diana, Princesha e Uellsit u ndoq për vdekje pasi ishte në një lidhje me dikë që nuk ishte i bardhë. Dhe tani shikoni se çfarë ka ndodhur! Ju dëshironi të flisni për historinë që përsëritet. Ata nuk do të ndalen derisa ajo të vdesë! Mendova se familja ime do të më ndihmonte, por çdo pyetje, kërkesë, paralajmërim, u ndesh me një heshtje dhe neglizhencë totale. Kaluam 4 vjet duke punuar për ta bërë të funksionojë marrëdhënien tonë. Bëmë gjithçka që mundëm për të qëndruar atje, për të vazhduar punën. Por Meghan po luftonte shumë”.
Kur ishte në muajin e gjashtë të shtatzënisë me Archie-n, Meghan i tregoi Harry-t për mendimet e saj për t’u vetëvrarë.
“Ajo që e ndaloi ta kryente atë akt, ishte pasi pa sa e padrejtë do të ishte për mua pas gjithçkaje që i kishte ndodhur nënës sime dhe tani të humbisja një tjetër grua në jetën time me një foshnjë në barkun e saj. Ndihesha në turp për atë që kisha bërë me Meghan. Unë kisha turp të shkoja te familja ime, sepse që të jem i sinqertë me ty, unë e di që nuk do të marr atë që më duhet nga familja ime”.
Po ashtu Harry rrëfeu edhe disa çaste prekëse që po kalonte Meghan pas intervistës bombastike që dhanë për Winfrey në mars.
“Për shkak të titujve të mediave dhe shpifjeve, kur u zgjova njëherë në mes të natës pashë Meghan-in që qante në jastëkun e saj. Më theu zemrën. E përqafova. Në folëm. Ajo qau, qau pa pushim”.
