Një dorëshkrim i shkencëtarit më të mirënjohur në historinë e njerëzimit, Albert Ajnshtain, në të cilin ai kishte shkruar teorinë që e drejtoi tek formula E=mc2, është shitur në një ankand për 1.2 milion dollarë.
Ankandi është organizuar nga Arkiva Ajnshtain e Institutit të Teknologjisë në Kaliforni dhe në Jerusalem. Dorëshkrimi është vetëm një nga katër dokumentet në botë që kanë mbijetuar deri në sot ku formula e famshme është shkruar nga vetë dora e shkencëtarit. Teorema e krijuar prej tij në vitin 1905 shpjegon se energjia është e barasvlershme me volumin në katror të objektit herë shpejtësinë e dritës.
Dorëshkrimi në fjalë mbart datën 26 tetor 1946 dhe i është drejtuar fizikantit polako-amerikan Ludvik Silberstain i cili kishte vënë në dyshim disa nga teoritë e Ajnshtain. Deri më tani letra qëndronte në Arkiva, ndërkohë që ankandi është marrë përsipër nga kompania “RP Auction” e Bostonit që arriti ta shesë për 1.2 milion dollarë tek një i apasionuar anonim i shkencës.
