Gjashtë aktorët e serialit “Friends” janë parë sërish të gjithë bashkë. Ata pozuan për kopertinën e numrit të ri të revistës “People”, në prag të speciales që do të transmetohet këtë muaj në HBO Max. Aktorët e serialit sapo kanë dhënë intervistën e tyre të parë, pas lançimit të trailer-it të premierës së shumëpritur.
Ajo që mori më shumë vëmendje gjatë kësaj interviste, ishte qëndrimi dhe sjellja e aktorit, Matthew Perry, i cili foli më pak se të tjerët, si dhe pati vështirësi në të folurën e tij. Fansat kanë reaguar masivisht pas intervistës, ku shfaqin keqardhje për gjendjen pasive të aktorit, si dhe shumë komente e lidhin këtë gjendje me përdorimin e lëndëve narkotike.
Perry ka qenë i hapur në lidhje me luftën e tij në të kaluarën me varësinë ndaj lëndëve narkotike, duke u thënë njerëzve se gjërat i kishin dalë jashtë kontrolli. Premiera e speciales së “Friends” do të jetë në 27 Maj. Gjashtë miqve më të famshëm në botë do t’ju bashkohen edhe emra të tjerë të famshëm.
