Lidhja Demokratike e Kosovës ka vendosur që të marrë pjesë në votim në procesin e zgjedhjes së Presidentit duke evituar kështu zgjedhjet e jashtëzakonshme dhe duke i shtuar gjasat që Vjosa Osmani të jetë Presidente e Kosovës.
Kryetari i LDK-së, Lumir Abdixhiku, pas takimit me deputetët e LDK-së ka thënë se kjo parti është në politikë “për të dhënë zgjidhje”.
Sipas Abdixhikut LDK-ja do të marrë pjesë në votim, pa paragjykuar vendimin e deputetëve.
Për t’u zgjedhur Presidenti i vendit në dy rundet e para nevojiten 80 vota për ndërsa në rundin e tretë duhet që të votojnë 80 deputetë ndërsa nevojiten 61 vota pro.
Kështu gjasat janë shumë të mëdha që Osmani të bëhet President meqë për qeverinë Kurti votuan pro 67 deputetë.
