Së fundmi, mediat briatnike kanë zbuluar se Princi Harry ka filluar punë. Në fakt, ai ka qenë duke punuar prej disa muajsh. Shefi i Harry-t, Alexi Robichaux, i cili është edhe shefi ekzekutiv i trajnimit professional dhe firmës së shëndetit mendor të SHBA-ve, BetterUp, tha se ai ka qenë “i impresionuar me qëndrimin e pabesueshëm të Harry-t” pas emërimit të tij si shefi i ndikimit kryesor.
Duka është përqëndruar në dhënien e ndihmës për të ndryshuar dialogun rreth shëndetit mendor dhe titulli i tij mbretëror nuk përdoret në vendin e punës, me sa tha Robichaux. Ai gjithashtu rrëfeu për BBC News se Harry ka disa muaj që ka filluar punë pranë BetterUp dhe se është i lumtur që e ka ndarë lajmin me botën.
“Ai po përqendrohet në disa fusha… duke ndihmuar në ndryshimin e dialogut rreth shëndetit mendor, për t’u përqëndruar në ndërtimin e forcës dhe aftësinë mendore. Gjëja më mbresëlënëse ka qenë përqendrimi i tij se si mund të jetë në shërbim, si mund ta çojë përpara vizionin dhe misionin e tij dhe si mund të kemi një ndikim pozitiv në botë së bashku. Ai ka një qëndrim të pabesueshëm dhe është i mbushur me energji dhe entuziazëm.”
Robichaux tha se dukës i pëlqen të quhet Harry në vendin e punës, kështu që ata thjesht i drejtohen atij si “Harry”. Ai nuk pranoi të komentonte sa paguhet duka për rolin e tij dhe gjithashtu refuzoi të tregonte se sa orë do të punonte.
Harry tha në një deklaratë se ai është me të vërtetë i entuziazmuar që do të bashkohet me kompaninë dhe se qëllimi i tij është të “ngrejë dialogët kritikë rreth shëndetit mendor, të ndërtojë komunitete mbështetëse dhe të dhembshura, si dhe të nxisë një mjedis për biseda të ndershme dhe të prekshme”.
BetterUp u themelua në vitin 2013 dhe ofron trajnime, këshillime dhe mentorime profesionale.
