Tre ditë më parë, aktorja e njohur Eliona Pitarka tregoi se jeta e saj ka ndryshuar përgjithmonë.
Eliona ka sjellë në jetë vogëlushen që gjatë gjithë kësaj kohe e ka thërritur me përkëdheli “Pupushe” dhe ndihet në qiellin e shtatë nga gëzimi.
Ajo publikoi në InstaStory një foto ku shfaqet me të bijën në spital, teksa qëndrojnë të dyja të shtrira pranë njëra-tjetrës.
“Më në fund është këtu”- ka shkruar Eliona krahas fotos së ëmbël e cila na i shkriu zemrat.
Dje, Eliona tregoi për herë të parë portretin e të voglës së saj, me një video shumë të ëmbël ku shfaqet duke e mbajtur në kraharor.
“Barku u zvogëlua, zemra u zmadhua”- shkruante aktorja.
Pasi i pamë portretin ëngjëllor, Eliona na zbuloi sot edhe emrin që ka zgjedhur për të voglën e saj.
E bija e Elionës quhet Gala, ndërsa foto nënë e bijë na i ngrohu zemrat.
Më herët, aktorja ka treguar për ndjekësit e saj se bashkëshorti i saj nuk ka lidhje fare me televizion dhe se madje nuk e ka fare qejf. Madje kjo duhet të jetë dhe një ndër arsyet pse ajo nuk shfaqet publikisht me të. Eliona ka 3 vite e gjysmë në lidhje me partnerin dhe së fundmi janë futur në shtëpi të re, ku kanë mirëpritur dhe të voglën.
