Të hash diçka të lehtë apo të vdesësh urie? Kjo është pyetja që shpesh bëhet para fillimit të një aktiviteti sportiv. Shkencëtarët dhe atletët e dinë se koha e vaktit, si dhe cilësia e ushqimit që ata hanë, ka një ndikim vendimtar në performancën.
Muskujt kanë nevojë për karburant gjatë ushtrimeve, kryesisht në formën e sheqerit (glukozës) ose yndyrës. Ky karburant mund të vijë nga vakti ynë më i fundit, pasi sheqernat dhe yndyrnat e tij të treten dhe të qarkullojnë në gjak, ose nga rezervat e yndyrnave dhe sheqernave tashmë të pranishëm në trupin tonë.
Sidoqoftë, ky dhjam muskulor bëhet problematik nëse grumbullojmë shumë prej tij dhe për këtë arsye është më mirë të inkurajojmë asgjësimin e këtyre rezervave.
Ja ushqimet nga të cilat duhet të kemi kujdes para stërvitjes dhe pse
1.Kos
Kosi dhe në përgjithësi qumështi dhe të gjitha derivatet e tij duhet të konsumohen vetëm pas aktivitetit fizik. Kjo sepse përmbajtja e tyre e yndyrës mund të tendosë trupin dhe të rrisë prodhimin e acidit në stomak gjatë një stërvitje.
2. Avokado
Edhe pse e pasur me të ashtuquajturat yndyrna të mira , avokado duhet të shmanget para fillimit të aktivitetit fizik sepse kombinimi i një përmbajtje kaq të lartë energjie dhe prania e shumë fibrave e bën të vështirë tretjen. Rreziku, nëse hahet para një përpjekjeje, është që të keni dhimbje barku më pas.
3. Domate
Duhet të shmangen sallatat me domate dhe brusketa. Sepse nëse hahet para një aktivitetii fizik mund të krijojë probleme të zorrëve.
4. Perimet
Lakra, brokoli, lulelakra janë perime të rëndësishme për tu përfshirë në dietë por jo të përshtatshme për stërvitje. Kjo pasi, duke qenë të pasur me rafinozë, një karbohidrate jo e asimilueshme nga trupi ynë, ato mund të shkaktojnë ënjtje të barkut dhe gazra.
5. Fruta të thata
Frutat e thata janë të pasura me yndyrna dhe ngadalësojnë tretjen. Për të siguruar efektivitetin e një stërvitje, ushqimi duhet të tretet plotësisht para se të fillojnë ushtrimet. Pra, nëse doni të hani disa kikirikë, sigurohuni që ta bëni të paktën një orë e gjysmë para stërvitjes.
6. Pijet energjike
Të mbushura me sheqer dhe me një konsum ushqyes zero, pijet e ëmbla dhe të gazuara duhet të shmangen në të gjitha rrethanat dhe jo vetëm para një stërvitje. Konkretisht, konsumimi i tyre para fillimit të një aktiviteti fizik mund të ju bëjë të ndiheni të fryrë.
7. Ushqimet me fibra
Buka, makaronat, drithërat janë ushqime të shkëlqyera për të ndihmuar sistemin e tretjes dhe zorrëve. Por para një stërvitje, ato duhet të shmangen sepse, për shkak të përmbajtjes së tyre të lartë të fibrave, ato janë ushqime më të ngadalta për t’u metabolizuar dhe tretur.
