Numri i përgjithshëm i viktimave nga koronavirusi në vendin tonë ka shkuar në 1986. Fatkeqësisht listës së humbjeve të jetës gjatë 24 orëve të fundit i janë shtuar edhe 17 pacientë të tjerë, të cilët nuk kanë mundur t’i mbijetojnë sëmundjes. Mes tyre është edhe një 22-vjeçare.
“Me gjithë përpjekjet e stafit mjekësor, 17 qytetarë e kanë humbur betejën me COVID19: 9 qytetarë nga Tirana, 2 qytetarë nga Librazhdi, 1 qytetar nga Elbasani, 1 qytetar nga Durrësi, 1 qytetar nga Shkodra, 1 qytetar nga Korça, 1 qytetar nga Fieri, 1 qytetar nga Lushnja, të moshave 22-89 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve”.
Gjatë 24 orëve të fundit janë kryer 3035 testime. Pozitivë kanë rezultuar 631 qytetarë.
“Rastet pozitive të konfirmuara janë identifikuar në këto bashki: 255 raste në Tiranë, 36 raste në Vlorë, 34 raste në Shkodër, 32 raste në Fier, 23 raste në Durrës, 17 raste në Korçë, 16 raste në Mirditë, 15 raste në Krujë, Lushnje, Kamëz, 14 raste në Elbasan, 13 raste në Lezhë, 11 raste në Kavajë, Librazhd, 10 raste në Kukës, 9 raste në Gjirokastër, Pogradec, 8 raste Peqin, 7 raste në Berat, Tepelenë, 6 raste në Kurbin, Pukë, Kuçovë, 5 raste në Dibër, 4 raste në Kolonjë, 3 raste në Devoll, Tropojë, Mallakastër, Mat, Ura Vajgurore, Shijak, Patos, Cërrik, 2 raste në Përmet, Sarandë, Delvinë, Malësi e Madhe, Gramsh, Skrapar, Vorë, 1 rast në Has, Rrogozhinë, Vau i Dejës, Fushë- Arrëz, Selenicë, Përrenjas, Himarë, Maliq, Poliçan”.
Në 24 orët e fundit janë shëruar 714 qytetarë, duke e çuar numrin e të shëruarve në 77 498 që nga fillimi i epidemisë.
Aktualisht në spitalet Covid në Tiranë dhe tre spitalet rajonale po trajtohen 649 pacientë. 43 prej tyre janë në terapi intensive, nga të cilët 15 pacientë janë të intubuar.
