Më shumë se 3000 shtetas të huaj dhe shqiptarë kanë hyrë e kanë dalë nëpërmjet pikës së kalimit kufitar të Qafë-Thanës gjatë 24 orëve të fundit.
Ky numër vazhdon të jetë i lartë pasi shqiptarët vazhdojnë të përdorin Maqedoninë e Veriut si vend tranzit për të kaluar në Greqi aty ku një pjesë e mirë e tyre jetojnë dhe punojnë.
Por gjatë 24 orëve të fundit, sipas të njëjtave burime nga Maqedonia e Veriut, në drejtim të Shqipërisë kanë hyrë 1427 shtetas të huaj dhe shqiptarë.
Për të përballuar fluksin me hyrje dalje nga kjo pikë e kalimit kufitar pala shqiptare punon me 5 sportele.
Gjatë 24 orëve të fundit, fluksi i hyrjeve nga Greqia drejt Shqipërisë nëpërmjet pikës së kalimit kufitar të Kapshticës është i ulët, konkretisht kanë hyrë drejt Shqipërisë 197 shtetas dhe 113 mjete.
