Ministrja e Arsimit, Evis Kushi pritet që të zhvillojë një takim me rektorët e universiteteve, sot në orën 14:00.
Sipas informacioneve për mediat, tema e diskutimit do të jetë nëse duhet të rikthehen studentët në auditore për sezonin e provimeve.
Rektorët do t’i prezantojnë disa skenarë ministres dhe një prej tyre është edhe rikthimi në auditore.
Një vendim i tillë është parë me rezerva, duke u nisur edhe nga kapacitetet e ruajtjes së distancës.
Kujtojmë se me vendim të Komitetit të Teknikëve, universitetet janë mbyllur dhe studentët kanë zhvilluar mësim online.
