Pas mbylljes së llogarisë së Donald Trump në Twitter, Google ka pezulluar nga “Play Store” aplikacionin Parler, i ngjashëm me rrjetin social Twitter. Vendimi do të qëndrojë në fuqi derisa rrjeti social të zbusë përmbajtjen e tij. Nga ana tjetër kompania Apple i dha po këtij shërbimi 24 orë afat për të paraqitur një plan të detajuar mbi përmbatjen në platformën e tij sociale.
Parler është një rrjet social në të cilin shumë mbështetës të Presidentit Donald Trump diskutoijnë mes tyre. Këtë vendim Google e justifikoi me faktin se Trump po nxiste dhunë të vazhdueshme në SHBA.
Politikat dhe praktikat që ndalojnë postimet që nxisin dhunë, është rënë dakord që të pezullohen nga zhvilluesit e aplikacioneve, softueri i të cilëve vihet në dispozicion në Google Play.
