Kreu i Organizatës Botërore të Shëndetësisë, Tedros Adhanom Gebreyesus, ditën e sotme ka deklaruar se vendet e varfra nuk po marrin vaksinën kundër Covid-19.
Më konkretisht, Tedros është shprehur se:
Vendet e pasura i kanë marrë shumicën e porosive.
Ndërsa i ka bërë thirrje vendeve dhe prodhuesve të ndalnin bërjen e marrëveshjeve dypalëshe në kurriz të objektit të ndarjes së vaksinave “COVAX”. Ky projekt ka për qëllim t’ju sigurojë njerëzve në të gjitha anët e botës qasje në vaksinat, pavarësisht pasurisë që ato vende e kanë apo jo. Kujtojmë se deri më tani kombet më të pasura përfshirë Britaninë, anëtarët e Bashkimit Evropian, Shtetet e Bashkuara, Zvicra dhe Izraeli kanë qenë në radhë të parë për marrjen e vaksinave nga Pfizer dhe partnerin BioNTech, Moderna dhe AstraZeneca.
