33.5 C
Tirana
Wednesday, June 19, 2024
spot_img

“Fitoi parajsa”, Fiori Dardha përlot me dedikimin prekës për nënën e ndjerë

Gazetarja dhe moderatorja e njohur Fiori Dardha lajmëron se nëna e saj është ndarë nga jeta. Ajo bën një dedikim prekës, ndërsa shkruan se parajsa është fitimtare sepse i është bashkuar shpirti i saj i bukur.

“Po tani mam’? Po tani?!

E di mam’, e di që po të mundje, do më thoje: “Nuk diskutohet vullneti i Zotit!”, madje, edhe do më hidhje një vështrim qortues.

Fluturo lart, shumë lart zemra jonë!

Hapi krahët ëngjëlli ynë dhe bëje më të kaltër qiellin me sytë e tu të shkruar!

Përshkoje rrugën drejt përjetësisë me të njëjtën energji dhe pasion që jetove në 68 vitet e jetës tënde!

Dorëzoju Krijuesit që i ke besuar aq shumë, heroina ime!

Të siguroj ëngjëlli im: nuk fitoi vdekja!

Fitimtare është parajsa, sepse sot iu bashkua edhe shpirti yt i bukur!

Ti do të jesh përherë rrezja që do të shkëlqejë më fort, për të ngrohur dhe qetësuar shpirtin tonë!

Të duam, mam’!”, shkruan Fiori për ndarjen nga jeta të nënës së saj.

“Focus Albania” i shpreh ngushëllime koleges për ndarjen nga jeta të nënës së saj.

Related Articles

- Advertisement -spot_img

Më të fundit