2.5 C
Tirana
Thursday, February 22, 2024
spot_img

Publikohen pamjet e filmuara nga dëshmitari në momentin e vrasjes së Klodian Rashës (VIDEO)

Detaje të reja rreth vrasjes së të riut 25-vjeçar, Klodian Rasha i mbetur i vrarë nga një efektiv policie mëngjesin e 8 dhjetorit.
Gazetari, Spartak Koka në emisionin “Opinion” ka publikuar pamjet e një kamera amatore, ku shihet momenti kur forcat e policisë kanë shkuar në vendngjarje. Bëhet fjalë për disa makina policie, motorë të “Shqiponjave” dhe rreth 16 efektivë të rendit.
“Kjo është video e filmuar nga një prej personave dëshmitarë, të cilët janë marrë në pyetje nga prokuroria. Është drejtuesi i automjetit. Po të kthehemi në videon e parë është një drejtues mjeti i cili del pas të shtënës së policit për të parë se çfarë po ndodhte, për herë të parë pas 2 minutash e 43 sekondash që zhvillohet e gjithë ngjarja. Është ky person i cili pas disa minutash i është thënë të largohej dhe ka filmuar teksa është rrotulluar.

Ka ikur, i kanë thënë të largohet pa i verifikuar dokumentet dhe është dashur 5 ditë që të gjendej se kush ishte personi i cili kishte qenë në automjetin privat. Është rrotulluar në krahun tjetër të rrugës dhe ka bërë një video. Ora që pretendon zotëria rreth orës 1:16. Shiko makinat e policisë, 1, 2, furgoni kemi 3 motora të “Shqiponjave”, rreth 16 punonjës policie, kemi 2 makina të tjera. Në këtë video nuk kuptohet është transportuar drejt spitalit, apo jo”, tha gazetari Spartak Koka.

Një natë më parë, u publikuan pamjet e fiksuara nga këndi i një kamere, ku duken lëvizjet e Klodian Rashës dhe të patrullës policore që mbërrin në rrugën “Dritan Hoxha”.

E gjithë ngjarja, që nga momenti kur Klodian Rasha qëndronte në anë të rrugës dhe deri në momentin që vritet nga efektivi i policisë, Nevaldo Hajdaraj ka zgjatur 2 minuta e 43 sekonda.

Related Articles

Na ndiqni

4,806FansLike
3,912FollowersFollow
0SubscribersSubscribe
- Advertisement -spot_img

Më të fundit