Një ngjarje e rëndë ka ndodhur mbrëmjen e djeshme në lagjen “Edit Durham” në Prizren.
Një zyrtar policie dhe vajza e tij, u gjetën të vdekur në banesën e tyre. Dyshimet e para janë se babai mund të ketë vrarë vajzën dhe më pas ka vrarë edhe veten.
Mendohet se 52-vjeçari, pjesëtar i policisë së Kosovës mund ta ketë kryer vrasjen me armën e policisë.
Ai kishte 20 vjet që po punonte në Policinë e Kosovës. Mediat kosovare bëjnë me dije se 52-vjeçari me iniciale S.M. nga Prizreni, dyshohet se fillimisht ka vrarë vajzën e tij, 21 vjeçe dhe më pas ka qëlluar veten.
Dyshohet se e gjithë ngjarja ka ndodhur në prani të familjarëve të tjerë.
Policia dhe prokuroria ende nuk i kanë bërë të ditura rrethanat se si ka ndodhur rasti, as motivet e kësaj vrasjeje dhe vetëvrasjeje.
