Sipas epidemiologut Ilir Alimehmeti imuniteti i tufës është i pashmangshëm, dhe mund të arrihet tek 60-65 përqind. Lidhur me pikëpyetjen nëse mund të ketë një valë të dytë pas festave, epidemiologu thotë se një gjë e tillë duket se nuk do të ndodhë në vendin tonë, ndërsa sqaron arsyen.
“Italia ka një element se të gjitha rajonet e kanë koeificentin e R poshtë 1. Janë të gjitha rajonet në zbritje dhe kjo bën të mundur nesër rikthimin e një vale tjetër. Tek ne nuk po ndodh, ne jemi vazhdueshëm në rritje. Vazhdon ajo vala që ka nisur në qershor, rënia e shtrimeve nuk është e konsiderueshme, unë e shoh si një fraksion dhe trajektore. Është një numër shumë i vogël që vjen për arsye të tjera. Pastaj rënia me 10 apo 20 ndër 500 nuk është një përqindje shumë e rëndësishme sa të bëjë diferencë. Por nuk mund të përkthehet direkt në hospitalizim, të dyja në të njëjtën javë”, tha Alimehmeti për “Abc-ja e Mëngjesit”.
Nga ana tjetër, ai shprehet se nuk ka mjaftueshëm testime që të kuptosh ecurinë e imunitetit të tufës.
