Është publikuar për herë të parë fotoja e shqiptares, që akuzohet për sulmin e tmerrshëm të ndodhur në Angli, ku iu pre fyti një vajze të pafajshme shtatë vjeçare.
E cilësuar si skizofrene paranojake, Eltiona Skana, 30 vjeçe, goditi me thikë Emily Jones në një park pranverën e këtij viti, duke i prerë fytin para prindërve të tmerruar.
Skana kishte kërcënuar edhe stafin mjekësor të spitalit ku kurohej, por ata nuk e dinin për rrezikun e saj në komunitet. Ndjekja penale e Skanës për vrasje u pushua të premten, pasi prokurorët pranuan se nuk kishte asnjë perspektivë reale të një dënimi.
Ajo u deklarua fajtore për vrasje pa arsye, për shkak të përgjegjësisë së zvogëluar, për shkak të problemeve mendore.
Skana hyri në Mbretërinë e Bashkuar në mënyrë të paligjshme në 2014 dhe kërkoi azil, duke pretenduar se ishte viktimë e trafikimit. Ministria e Brendshme fillimisht refuzoi pretendimin e saj, por, pas një apeli, ndryshoi vendimin dhe më vonë iu dha leja për të qëndruar deri në dhjetor 2024, shkruan Mail.
Një gjykatë në Mançester dëgjoi se si Skana, 30 vjeçe, pranoi para mjekëve se pretendimi i saj si viktimë e trafikimit kishte qenë gënjeshtër.
