Një episod i paprecedentë ka ndodhur mbrëmjen e djeshme në ndeshjen Kroaci-Turqi. Kapiteni i kroatëve, Domagoj Vida ka rezultuar pozitiv me Koronavirus. Deri këtu gjithçka duket normale, por skandaloz është fakti se pavarësisht se ishte i infektuar, lojtari ishte në fushë.
Vida u zëvendësua në fillim të pjesës së dytë, pasi sipas Federatës kroate përgjigjet e testeve erdhën me vonesë, por rreziku që ai ta ketë transmetuar virusin tek të tjerët është i madh.
Kjo për shkak të kontakteve që mund të ketë pasur në fushë me kundërshtarët apo edhe shokët e skuadrës. Madje ai kishte edhe shiritin e kapitenit, duke u takuar në fillim të ndeshjes me gjyqtarët dhe kapitenin kundërshtar. Të presim e të shohim çfarë masash do merren për këtë rast.