Ministrja e Shëndetësisë Ogerta Manastirliu e pyetur nëse mund të ketë një mbyllje tjetër totale tha se situata po monitorohet.
Sipas Manastirliut, me evoluimin e epidemisë do të informohen edhe hapat e tjerë që do të ndërmerren. Ajo tha për ‘Open’ se do të ketë një vlerësim periodik me bazë javore dhe dy javore.
“Këto masa janë masa të intensitetit mesatar. Situata është dinamike, patjetër që dhe masat janë fleksibël, grupet e punës po monitorojnë situatën.
Do të ketë një vlerësim periodik me bazë javore dhe dy javore, me evoluimin epidemisë do kemi dhe komunikime që do informojmë për hapat që do ndërmarrim dhe situatën epidemiologjike, theksoi Manastirliu.