Gjykata e Tiranës ka dhënë sot vendimin për futbollistin e Tiranës, Winful Cobbinah.
Mësohet se ai është shpallur fajtor për akuzën e “falsifikimit të dokumenteve”.
Sulmuesi ganez u dënua me 4 muaj burg, por gjykata zëvendësoi burgun me dënimin alternativ me 100 orë punë në interes të publikut.
Cobbinah u akuzua për falsifikimin e lejes së tij të qëndrimit në Shqipëri.
Pak kohë më parë ai kishte marrë nënshtetësinë shqiptare pas një procedure të përshpejtuar e cila ishte miratuar edhe nga presidenti Meta. Kjo nxiti edhe një debat mes tij dhe qeverisë, por presidenti tha në daljet për mediat se në bazë të verifikimeve nga organet kompetente, lojtari rezultonte se nuk përbënte rrezik për sigurinë kombëtare.
Winful Cobbinah luan në Shqipëri me klubin e Tiranës prej më shumë se dy vitesh.
